Assalamu’alaikum
Warahmatullahi Wabarakaatuh
Kaum
muslimin ingkang kulo hormati.
Wonten
ing wakdal ingkang berbahagiya niki monggo kito ngucapaken raos syukur dumateng
ngersanipun Allah SWT. ingkang sampun maringi nikmat lan hidayahipun sehinggo
saget kempal wonten meriki panggenan lan ing dalem keadaan sehat wal afiat.
Amin Yaa Rabbal ‘Aalamiin.
Shalawat
ugi salam mugiyo tetep dipun paringaken nabi kito Muhammad SAW., keluarganipun,
poro sahabatipun lan ugi sedoyo kaum muslimin ingkang purun ngelampahi ajaran
Islam kelawan estu-estu lan leres. Mugiyo kito sedoyo dados umat beliau ingkang
purun ngelampahi ajaran Islam kanti estu-estu lan leres.
Kaum
muslimin ingkang kulo hormati.
Wakdal
niki kito sedoyo ngengeti dinten tumibohe Al Qur’an, inggih tepatipun tanggal
pitulas Romadhan.
Kito
kedah nyumerapi beleh Al Qur'an niku setunggalipun kitab suci Allah ingkang
wajib kito sedoyo imani. Amargi kitab suci Al Qur'an niku ngerupekaken
kitabipun Allah SWT. ingkang paling sempurno lan ingkang paling akhir kiyambak
dipun turunaken dumateng nabi Muhammad SAW. lan semanten ugi beliau niku
ngerupekaken pitedah lan ingkang maringi petunjuk dumateng sedoyo umat menungso
wonten ing alam dunyo niki dumateng margi ingkang lurus. Lan kito sedoyo kedah
sumerap beleh Al Qur'an niku kangge pitedah dumateng manungso, khususipun
dumateng umatipun nabi Muhammad SAW. kados dawuhipun Allah:
“Ing
dalem wulan Romadhan iku dipun turunaken Al Qur'an minongko dados petunjuk
kangge poro manungso, lan nerangaken petunjuk kangge sakdurunge lan nerangaken
bentenipun ingkang leres lan ingkang salah.”
Lan
kito sedoyo gesang wonten ing ndunyo niki butuhaken pedoman lan peraturan
kangge ngelampahi amanat-amanat ingkang sampun dipun paringaken dumateng kito
sedoyo selaku kholifah ing dalembumi. Milo saking niku Allah maringi peraturan
lan pedoman gesang niku dateng Rosulipun, inggih meniko ingkang arupi Al Qur'an
lan Al Hadits. Supados kito sedoyo niku boten kesasar jalan lan ugi saget
ngelampahi amanat-amanat ingkang sampun dipun paringaken dumateng kulo lan
panjenengan sedoyo. Wonten ing setunggalipun hadits nabi SAW, ngendiko:
“Siroh
kabeh dipun tinggali perkoro loro supoyo siroh kabeh ora podho kesasar,
selagine siroh kabeh podho cekelan marang perkoro loro mahu, yaiku Kitab
Allah(Al Qur'an) lan Sunnah nabi (Al Hadits).”
Kaum
muslimin ingkang kulo hormati.
Lan
menawi kito nanti estu gesang wonten ing dunyo niki kelawan tuntutan lan
bimbingan Al Qur'an, kito pasti angsal kabejan lan kebahagiyaan dunyo lan
benjang ing akhirat. Kados pengendikane nabi SAW:
“Al
Qur'an meniko penolong ingkang saget nyukani pitulung lan pembelo ingkang dipun
leresaken. Lan sinten tiyang ingkang manut Al Qur'an mongko Al Qur'an meniko
nuntun dateng suwargo, lan sinten tiyang ingkang nilar dumateng Al Qur'an,
mongko Al Qur'an meniko nyeret dateng neroko.”
Kaum
muslimin ingkang kulo hormati.
Mulo
saking niku, sedoyo ingkang dipun jelasaken wonten firmanipun Allah SWT lan
sabdanipun nabi SAW kolo wahu saget kito sedoyo mangartosi beleh gesang wonten
ing dunyo niki kedah ngamalaken nopo ingkang wonten nggene Al Qur'an genep lan
langsung cekap dipun praktekaken ing dalem gesang saben dinten. Dados sinten
kemawon hamba Allah SWT ingkang purun meratekaken ing dalem gesang niki, pasti
bejo lan angsal kebahagiyaan gesang. Kaum muslimin ingkang kulo hormati. Kulo
cekapaken sambutan niki. Mugiyo bermanfaat.
Wassalamu’alaikum
Warahmatullahi Wabarakaatuh.
